दक्षिण कोरियामा निको भइसकेका ९१ बिरामीमा पुनः संक्रमण

admin April 11, 2020
दक्षिण कोरियामा निको भइसकेका ९१ बिरामीमा पुनः संक्रमण

२८ चैत, काठमाडौं । दक्षिण कोरियामा कोरोना भाइरस (कोभिड–१९) का निको भइसकेका ९१ बिरामीमा पुनः संक्रमण देखिएको छ । बीबीसीका अनुसार निको भएर घर फर्किएका उनीहरुमा पुनः कोरोना भाइरसको संक्रमण देखिएको हो ।

कोरिया सेन्टर फर डिजिज कन्ट्रोल एण्ड प्रिभेन्शनले अहिलेसम्म उनीहरुमा पुनः कसरी कोरोना भाइरसको संक्रमण देखियो भन्ने कुरा स्पष्ट नभएको बताएको छ ।

सेन्टरका निर्देशकले यी बिरामीमा कोरोना भाइरस पुनः सक्रिय भएको हुन सक्ने बताए । अन्य केही जानकारहरुले भने उनीहरुमा राम्रोसँग परीक्षण नभएको पनि हुन सक्ने बताए ।

अहिलेसम्म कोभिड–१९ बाट निको भएका मानिसमा यो रोगसँग लड्ने प्रतिरोधी क्षमता विकास हुने र यसको संक्रमण फेरि नहुने बताइँदै आएको छ ।

error: please contact us if you need this content प्रतिलिपि एन अनुसार यो कन्टेन्ट सम्रक्षण गरिएको छ